Testennoù

Gant ar rann testennoù e kinniger deoc’h un hollad teulioù, danevelloù ha notennoù. Tennet int bet eus al lennegezh pe eus testenioù, ha stummañ a reont diazez topografiezh sevenadurel ha yezhel hentoù Sant-Jakez en Europa. Anv zo eus arroudennoù enno daveoù d’ar yezhoù, pe eus bommoù tennet eus mammennoù istorel hag eus studiennoù etnografek, met bez’ ez eus ivez er rann tammoù eus romantoù ha kontadennoù pe mojennoù, tammoù eus testennoù farsus, hag ivez barzhonegoù, skridoù-arnod ha buhezskridoù savet buan-ha-buan gant beajourien ha pirc’hirined. Pourchas a ra ar rann Testennoù skouerioù a ro ur skeudenn wirion eus lennegezh an Hent, ul lennegezh zo chomet bev a-hed ar c’hantvedoù en holl yezhoù a veze komzet gant ar re a yae gant hentoù Sant-Jakez dre holl vroioù Europa. Hiziv an deiz e teu lañs en-dro d’al lennegezh-se, ur bam, gant testennoù nevez produet evel biskoazh. En atlas sevenadurel hentoù Sant-Jakez, a c’haller kavout er bajenn degemer, ez eus testennoù all rummet hervez urzh al lec’hioù a reont dave dezho.