Bideoak - Audioak

Bideoa/Audioa atalean bildu diren ikus-entzunezko dokumentuek Bidearen inguruko hotsak eta irudiak jaso eta hark zeharkatzen dituen lurretako hizkuntzak, jendeak, paisaiak eta kontuak azaltzen dituzte. Bidean diren erromesek edota etxera itzuli direnek, ostalariek, adituek, bai bizipenez bai ezagutzaz, norberaren historiari aurpegia eta hotsa jarri diote. Dokumentuek eta kontakizunek Bidearen erabilera publikoari eta pribatuari heltzen diote, edozein hizkuntzatan dela ere, talde bizipenak eta norbererenak jasoz, eta garbiro adierazten dute Donejakue bideek egun lortu duten oihartzuna. Zenbait kasutan adituko dira kondairak, ipuin dibertigarriak eta erromesen ahotik jasotako pasadizo alaiak, baita Bideari eta bere hizkuntzei lotutako olerkiak eta otoitzak ere, askotariko hausnarketak eta azalpenak, Bidearen eremuan betitik izan diren hizkuntzen bizitasuna agerian jartzen dutenak.