Text

In’n Deel Texten sünd Stücken ut ole Böker, ethnograaph’sche Dokumenten un Studien över de Geschicht vun de Spraken sammelt. Man sünnerlich ok Notizen vun Schrieverslüüd, de bakannt sünd, un dat wat Pilgerslüüd un anner Minschen, de den Weg reist sünd, sülvst schreven hebbt. Een kann ok Delen ut Romanen, Legenden un Vertellen, ut Dagböker un Essays so as en Korpus vun Gedichten lesen, so dat de Utwahl bannig groot is. Wiel dat de Texten ut verschedene europääsche Kulturen langs den Jakobsweg kaamt, kann een glieks ok sehn, wo vele Spraken dat dor gifft. Tosamen wiest de Utwahl en helen Barg vun Bispelen för en écriture vun’n Jakobsweg, as se männich Johrhunnert in all Länner vun Europa leevt hett, dörch de de Jakobswegen föhrt hebbt. Dat is man ok in use Tieden noch so: Vundaag warrt mehr Texten över den Jakobsweg schreven, as inst.

(Een findt ok Textstücken in’n Atlas vun de Jakobswegen op de Startsiet.)