Över de stillen Straten

Geiht kloor de Klockenslag;

good Nacht! Dien Hart will slapen,

un morgen is ok en Dag.

Dien Kind liggt in de Wegen,

un ick bün ok bi di;

dien Sorgen un dien Leven

is allens um un bi.

Noch eenmal laat uns spreken:

Goden Avend, gode Nacht!

De Maand schient op de Deken,

uns Herrgott höllt de Wacht.

Theodor Storm

(Theodor Storm, Gedichte. Novellen. 1848-1867, Frankfurt am Main: Deutscher KlassikerVerlag 1987, S. 37)