Aqueste projècte a per amira de marcar la contribucion de las lengas e culturas del camin de Sant Jaume al patrimòni bèl europenc comun, e marca son atencion per las lengas e culturas regionalas o minoritàrias. Dins aquesta amira se promourà e se difusarà lo patrimòni cultural fòra de las frontièras nacionalas e se recercarà lo dialòg entre las divèrsas lengas e culturas dels païses membres membres aderent al projècte.

Es fòrça importent de rendre compte del ligam istoric entre las lengas e las culturas del camin de Sant Jaume, per far connéisser la diversitat lingüistica d’Euròpa, son origina e las relacions entre las diferentas lengas que mòstran que la pluralitat lingüistica e culturala es una part intrenseca de l’identitat europenca.

• Mesa en plaça d’un malhum europenc d’actors culturals qu’articula la difusion e la compreneson de las culturas e de las lengas europencas ligadas al camin de Sant Jaume.
• Congres en Euròpa din sas lengas e sas culturas
• Plan d’accion estrategica comuna, per menar inovacion e creativitat a las estrategias de promocion culturala en Euròpa.
• Programme de difusion transnacionala en Euròpa sus los camins de Sant Jaume (mòstra barrutlaira,materials).
• Desvelopament d’un portal oèb multilingüe sus l’istòria culturala de las diferentas regionseuropencas ligadas al camin de Sant Jaume.

Un congrés dedicat a las lengas e a las culturas europencas, mai que mai regionalas e/o minoritàrias, ligadas als camins de Compostèla, serà lo luòc de rescontra d’especialistas dins aqueste domèni. Al congrés se tractarà dels aspèctes intrinsècament europencs en rapòrt a una istòria de las lengas e culturas de diferentas regions d’Euròpa, se soscarà al ròtle dels camins romieus dins la diversitat culturala e lingüistica d’Euròpa coma de las influenças e relacions que las ligan.

21 e 22 d’octobre de 2011, Sant Jaume de Compostèla, Musèu pedagogic de Galiça