Los documents audiovisuals recampats dins la seccion video/audio presentan un mosaïc de voses e d’imatges, miralh de las lengas, dels païsatges e de las istòrias que marcan las estapas del camin. Los romieus que caminan cap a Sant Jaume o que tornan a l’ostal, los espitalièrs e autras figuras umanas del camin santjaumenc, que conescan lo Camin per lors experiéncias pròprias o per lors estudis, totes balhan voses e caras a son istòria. Que las expériencias sián privadas o collectivas e dins quinas lengas que sián contadas, los racontes e documents tòcan los aspèctes mai importants de l’usatge public e privat del Camin, e tot a l’encòp pòrtan la pròva del larg resson del Camin dins la societat d’ara. Arribarà tanben que se pòscan escotar de legendas, d’istòrias e quitament de bofonadas que circulan demest los romieus, que se poòsca ausir un poèma o una pregària ligats al Camin e a sas lengas. Pet tan desparièiras que sián las contribucions, amassa pòrtan testimòni de la vitalitat de las lengas que son estadas parladas dempuèi totjorn long del camin.